JKLF - Daily Lalkaar

محمود ساغر کاش آپ پورا سچ بولتے! : سردار انور

للکار نیوز — Tue, 28 May 2024 10:22:06 +0000

محترم محمود ساغر کے نام

آپ کی اسلام آباد میں جماعت اسلامی کی کانفرنس میں کافی حد تک سچائی درد، کرب، شکوے اور بےبسی کی آمیزش تھی۔ آپ نے پاکستانی مقبوضہ کشمیر کے ریاستی سہولت کاروں اور سوداگروں اور بھارتی مقبوضہ کشمیر کے سہولت کاروں اور سوداگروں اور ان کی بے بسی کا خوبصورت تقابلی جائزہ لیاھے۔ اس کی خوبصورتی میں مزید اضافہ ھو سکتا تھااگر آپ پورا سچ بولتے ھوئے شہداء کے مقدس لہو اور ماؤں، بہنوں کی عصمتوں پر تجارت کرنے والی فرم حریت کانفرنس کی حرکات و سکنات اور اداروں پر بھی لب کشائی کر لیتے! جس کی دوغلی اور مفاد پرستانہ، فرقہ پرستانہ اور علاقائی تعصب کی وجہ سے تحریک آزادئِ کشمیر کو ناقابل تلافی نقصان پہنچا۔۔۔

کیا حریت کانفرنس اور جہاد کونسل کی وجہ سے قومی تحریک پر مذہبی اور پاکستانی آلۂ کاروں کی کبھی نہ مٹنے والی چھاپ نہیں لگی؟ کیا حریت کانفرنس کے تاجروں نے مقبوضہ کشمیر کے غیرت مند عوام کی Medical and Engineering Colleges کی سیٹیں فروخت نہیں کیں؟کیا جہاد کونسل کے فرقہ پرست انتہا پسند کمانڈروں کی آپسی لڑائیوں، بالادستی برقرار رکھنے اور قابض قوتوں کے اشاروں پر ریاست کی جید سیاسی، مذہبی اور صحافتی شخصیات (میر واعظ مولوی عمر فاروق، قاضی نثار، ڈاکٹر عبدالاحد گرو، خواجہ عبدالغنی لون، شجاعت بخاری سمیت درجنوں شخصیات کو شہید نہیں کیا؟

کیا حریت کانفرنس اور جہاد کونسل کے راہنماؤں اور کمانڈروں کی پر تعیش زندگیوں کا مظفر آباد اور باغ کے مہاجر کیمپوں کے بے بس اور مجبور لوگوں کا تقابلی جائزہ لیا ھے؟ جن کی قربانیوں کی قیمت پر یہ مفاداتی گروہ اسلام آباد میں بیٹھ کر عیاشیاں کر رہا ھے؟

کیا ہی اچھا ہوتا اگر حریت کانفرنس میں ریاست کی تمام اکائیوں وادئِ جموں، گلگت بلتستان، لداخ اور نام نہاد آزادکشمیر کے نمائندے شامل ہوتے اور پوری ریاست کی نمائندگی کرتے؟ کیا ہی اچھا ہوتا کہ حریت کانفرنس کے نمائندے پاکستانی GHQ اور ان کے حاشیہ بردار مظفر آباد کی اسمبلی میں بیھٹے سہولت کاروں، آلۂ کاروں، وطن فروشوں اور صوبیداروں، حولداروں کا ساتھ ذاتی مفادات کے لیے تعلقات بنانے اور خوشنودی کے بجائے ریاستی عوام اور مظفر آباد اور باغ کے مہاجر کیمپوں کے لوگوں کی پرتوں میں رہ کر ریاستی عوام کی جنگ لڑتے اور نتائج مختلف نہ ھوتے؟ کیا ہی اچھا ہوتا کہ غاصب پاکستان کے حکمران طبقات اور GHQ کے منشیوں کے بجائے بین الاقوامی سطح پر سفارتی محاذ پر مسئلہ کشمیر کی نمائندگی خود کرتے؟

مظفرآباد اسمبلی میں بیھٹے پاکستان کی سیاسی تجارتی فرموں کے سیلزمینوں اور GHQ کے مخبروں کے بجاے ریاستی عوام کے ساتھ مل کر مسئلہ کشمیر کو مذہبی مسئلہ کے بجائے قومی مسئلہ بناکر پیش کرتے تو آج نتائج مختلف نہ ہوتے؟

کیا آج بھارت اور پاکستان کے حکمران طبقات ریاست جموں کشمیر کی مستقل تقسیم پر متحد نہیں ہیں؟ کیا بھارت اور پاکستان نے تاشقند، شملہ معاہدوں میں ریاست جموں کشمیر کی عوام کو تقسم کر کے حکومت نہیں کر رہے؟کیا بھارت اور پاکستان نے سندھ طاس معاہدے میں ریاست کے دریا آپس میں نہیں بانٹے؟ کیا 5 اگست 2019ء کو مودی کی فاشسٹ حکومت نے باجوہ اور نیازی حکومت کے ساتھ مل کر 370اور 35A کا خاتمہ نہیں کیا؟

محترم اگر بھارت کے مودی اورپاکستان کے ملا اور ملٹری ہماری ریاست اور شناخت کو مٹانے کے لیے متحد ہو سکتے ہیں تو ہم ریاستی عوام کیوں نہیں؟

مقبوضہ کشمیر کے شہداء کی عظمت اور عزت مآب ماؤں، بہنوں کی لازوال اور تاریخی قربانیوں کو سلام اور آپ کو کم ازکم آدھا سچ بولنے پر مبارکباد!

اگرچہ آدھا سچ پورے جھوٹ سے زیادہ خظرناک ہوتا ہے!

میری کوئی بھی بات اگر طبع نازک پر گراں گزری ہو تو دلی معذرت۔۔۔!

آپ کا مخلص

سردار انور (امریکہ)

—♦—

مصنف کے بارے

سردار انور جموں کشمیر لبریشن فرنٹ کے سرکردہ راہنما ہیں اور امریکہ میں مقیم ہیں۔آپ کشمیری عوام کے حقِ خودارادیت کے بنیادی حق کے حصول کے لئے گزشتہ کئی دہائیوں سے مصروفِ جدوجہد ہیں۔

The post محمود ساغر کاش آپ پورا سچ بولتے! : سردار انور first appeared on Daily Lalkaar.

مقبول بٹ شہید: تحریکِ آزادیِ کشمیر کا روشن باب!

للکار نیوز — Fri, 23 Feb 2024 15:28:01 +0000

للکار (انٹرنیشنل نیوز ڈیسک) امریکہ کے شہر واشنگٹن ڈی سی میں مقبول بٹ شہید کی فکر کے تناظر میں جدوجہد کے تسلسل پر ایک فکری نشست کا اہتمام کیاگیا جس سے جموں کشمیر لبرشن فرنٹ کے سینئر راہنما سردار انور ایڈووکیٹ نے خطاب کرتے کرتے ہوئے کہا کہ؛

مقبول بٹ شہید تحریکِ آزادیِ کشمیر اور تاریخِ کشمیر کاروشن باب اور آنے والی نسلوں کانصاب ہے۔

مقبول بٹ شہید کی تاریخی لازوال جدوجہد اور عظیم قربانی سے جلائی ہوئی شمع کو ہزاروں شہداء نے نہ صرف اپنے مقدس لہو سے روشن رکھا ہے بلکہ مسئلہ کشمیرکو اقوام کی بند فائلوں سے نکال کر پوری دُنیا میں قومی آزادی کے مسئلے کے طورپر اُجاگر کیا ہے۔

چالیس سالوں سے بھارت کے حکمرانوں نے مقبول بٹ شہید کےجسدِخاکی کو اسی تہاڑجیل میں قیدکر رکھا ہے۔ کیونکہ وہ مقبول بٹ شہید کے جسدِخاکی سےبھی خائف ہیں۔ مقبول بٹ شہید کشمیری قوم کی پہچان نوجوان نسل کی سوچ بن چکا ہے۔ اسی تہاڑ جیل میں موجودہ تحریک کے ترجمان مزاحمت کی علامت جموں کشمیر لبریشن فرنٹ کے چیئرمین یاسین ملک کو پابندِسلاسل کر رکھا ہے جہاں مودی فاشسٹ حکومت سے اس کی زندگی کو خطرہ لاحق ہے۔ مسئلہ کشمیر بھارت اور پاکستان کے درمیان کوئی سرحدی یا مذہبی تنازعہ نہیں بلکہ ایک قوم کی آزادی اور شناخت کا مسئلہ ہے۔ مسئلہ کشمیر کی آڑمیں بھارت اور پاکستان کی افواج پل رہی ہیں۔ بین الاقوامی سامراج اپنا اسلحہ بھارت اور پاکستان کے حکمرانوں کو فروخت کر رہا ہے ۔ اس کی قیمت کشمیر معصوم انسانوں کے قتل عام اورنسل کشی کی شکل میں ادا کر رہی ہے ۔ انہوں نے مزید کہا کہ مسئلہ کشمیر کا واحد پر امن اور باوقار حل یہ ہے کے بھارت اور پاکستان ریاست جموں کشمیر سے اپنی افواج نکال کر ریاست جموں کشمیر کی آزادی کو تسلیم کریں۔ ایک آزاد، خود مختار ریاست جموں کشمیر بھارت ،پاکستان اور چین کے درمیان دوستی تجارت اور امن کا پل بن سکتی ہے، جس سے خطے کے عوام کی خوشحالی کے نئے باب کا آغاز ممکن ہو سکتا ہے۔

اربوں روپے کا بجٹ بھارت پاکستان کے حکمرانوں اور جرنیلوں کی عیاشیوں کےبجاے غریب عوام کی غربت جہالت افلاس اور دہشت گردی کے خاتمے کے لیے خرچ کی جائے۔

تقریب سے ڈاکٹر اخلاق برلاس، پروفیسر سعید خان، آفتاب روشن ، اسحاق شریف، شعیب ارشاد ، یامین خان اور شکیل انجم نے بھی خطاب کرتے ہوئے مقبول شہید کی لازوال قربانی کو خراج عقیدت پیش کیا۔ تقریب میں مشترکہ طورا علامیہ جاری کیا گیا جس میں درج ذیل مطالبات کیے گئے؛

مقبول بٹ شہید اور افضل گرو کا جسد خاکی ورثاء اور قوم کے حوالیے کیاجائے۔
یاسین ملک سمیت تمام سیاسی راہنماوں اور کارکنوں کو رہاکیاجائے۔
بھارت اور پاکستان کی افواج کا ریاست سے انخلا کر کے
ریاست جموں کشمیر کو غیر فوجی علاقہ قرار دیاجائے۔
فلسطین میں معصوم انسانوں کاقتل عام بند کیا جاے اور فوری جنگ بندی کی جائے۔
پاکستان کے زیر انتظام ریاست جموں کشمیر میں جاری عوامی حقوق کے تمام مطالبات تسلیم کرتے ہوے عوام کو بنیادی انسانی حقوق دیے جائیں۔

آخر میں امریکہ کی مختلف ریاستوں میں مقیم ریاستی باشندوں کو متحد کر کے جموں کشمیر کمیونٹی سینٹرز کے قیام ،جموں کشمیر بزنس فورم کے قیام اور امریکی سماج میں ریاستی باشندوں کے سیاسی ،سماجی علمی اور ادبی سرگرمیوں میں حصہ لینے کے لیے سردار انورکی کمپین کی بھر پور حمایت کی گئی۔

The post مقبول بٹ شہید: تحریکِ آزادیِ کشمیر کا روشن باب! first appeared on Daily Lalkaar.

جموں کشمیر: عوام مکمل آزادی اور غیر ملکی قبضے کا خاتمہ چاہتے ہیں!

للکار نیوز — Tue, 20 Feb 2024 07:18:34 +0000

للکار(نیوز ڈیسک) جموں کشمیر لبریشن فرنٹ کے زونل صدر ڈاکٹر توقیر گیلانی نے کہا ہے کہ آج کے تناظر میں اقوامِ متحدہ کی قراردادیں اور رائے شماری کی باتیں مسئلہ جموں کشمیرکے حل سے راہِ فرار کے مترادف ہے۔ ریاست جموں کشمیر کے عوام ریاست کی مکمل آزادی اور غیر ملکی قبضے کا خاتمہ چاہتے ہیں۔ وہ جموں کشمیر لبریشن فرنٹ و سٹوڈنٹس لبریشن فرنٹ لاہور کے زیرِ اہتمام مقبول بٹ شہید اور شہدائے چکوٹھی کی یاد میں منعقدہ تقریب سے خطاب کر رہے تھے۔

کسان ہال میں منعقدہ پروقار تقریب سے خطاب میں ڈاکٹر توقیر گیلانی نے کہا کہ پاکستان حکمران طبقے کی جانب سے اقوامِ متحدہ کی قراردادوں کے تحت رائے شماری کا مطالبہ کذب بیانی اور ریاست کی مستقل تقسیم کا فارمولہ ہے۔اقوامِ متحدہ کی قراردادیں پاکستان کے مفادات اور موجودہ پوزیشن کے بالکل برعکس ہیں۔ ان قراردادوں کی رو سے پاکستان کو ریاست جموں کشمیر سے پہلے اپنی افواج کا مکمل انخلاء کرنا ہے جبکہ بھارت اپنی فوج کا بڑا حصہ پاکستانی فوج کے انخلاء کے بعد نکالے گا۔

انہوں نے کہا کہ یہی وجہ ہے کہ پاکستانی حکمران اقوامِ متحدہ کی قراردادوں کا راگ الاپتے رہتے ہیں لیکن اُن پر عملدرآمد کیلئے منظور کردہ اقدامات اٹھانے سے گریزاں ہیں۔ جس کا واضح مظلب یہ ہے کہ وہ اندرونِ خانہ بھارت سے ملک کر ریاست کی بندر بانٹ پر متفق ہو چکے ہیں۔ ڈاکٹر توقیر گیلانی نے کہا کہ

موجودہ حالات میں ریاست جموں کشمیر کے عوام کا مطالبہ ریاست سے تمام قابض افواج کا بیک وقت اور مکمل انخلاء اور ریاست کی جبراً تقسیم شدہ اور مقبوضہ وحدت کی بحالی ہے جو مسئلہ جموں کشمیر کا واحد قابلِ عمل، منصفانہ اور مستقل حل ہے جس میں تمام فریقین کیلئے اطمینان اور بہتری موجود ہے۔

انہوں نے کہا کہ مقبول بٹ شہید نے ریاست کی آزادی کی فکر کو اپنے لہو سے پروان چڑھایا اور قومی آزادی کی تحریک کو ہر محاز پر اپنے کردار و عمل سے لیڈ کیا۔انہوں نے کہا کہ جموں کشمیر کے عوام کو پاکستان کے باشعور، انسان دوست اور امن پسند حلقوں سے یکجہتی کی ضرورت ہے نہ کہ پاکستان کی حکمران کلاس سے جو اپنے ملک کے عوام کے ساتھ ساتھ ریاست جموں کشمیر کے عوام کے بھی بدترین استحصال اور لوٹ مار میں مصروف ہے۔

انہوں نے پاکستانی حکمرانوں کے مکرو فریب کا پردہ چاک کرتے ہوئے کہا کہ مریاست کے عوام کے حقِ خود ارادیت کو 1949میں پاکستانی مندوب کی درخواست پر بھارت و پاکستان کے الحاق تک محدود کیا گیا اور بعد میں شملہ معاہدہ کے ذریعے اسے دو طرفہ مسئلہ بنا کر اقوامِ متحدہ کو بتایا گیا کہ بھارت اور پاکستان کو اس مسئلہ کے حل کیلئے کسی بین الاقوامی فورم یا ثالثی کی ضرورت نہیں۔

انہوں نے کہا کہ شملہ میں ریاست جموں کشمیر کو فروخت کرنے کے بعد اقوامِ متحدہ کی قراردادوں کی باتیں کرنا ایک مضحکہ خیز واردات ہے۔ انہوں نے مزید کہا کہ 5اگست 2019کے بھارتی اقدام کو بھی پاکستانی حکمران طبقے اور اسٹیبلشمنٹ کی مکمل حمایت حاصل تھی اور یہ بات بھی خود پاکستانی دانشوروں اور چوٹی کے صحافیوں نے طشت از بام کی جس کے بعد پاکستانی حکمرانوں کی یکجہتی اور ہمدردی ہمارے زخموں پر نمک چھڑکنے کے سوا کچھ نہیں۔

تقریب سے خطاب کرتے ہوئے لبریشن فرنٹ کی سپریم کونسل کے رکن سردار عابد حمید، چیرمین سٹوڈنٹس لبریشن فرنٹ راجہ دانش ایڈوکیٹ، زونل وومن سیکریٹری طاہرہ توقیر، صدر لبریشن فرنٹ لاہور ڈویژن شیخ عثمان، کشمیری کمیونٹی لاہور کے راہنماؤں فاروق آزاد، سید منظور گیلانی ایڈووکیٹ، قاری مشتاق اور دیگر نے کہا کہ مقبول بٹ شہید کا مشن ریاست کے عوام کے باوقار اور آزاد مستقبل کا مشن تھا جو تیزی سے آگے بڑھ رہا ہے۔ انہوں نے کہا کہ ہر گزرتے دن کے ساتھ مقبول بٹ کا نظریہ پہلے سے زیادہ قابلِ عمل اور درست ثابت ہو رہا ہے۔

مقررین نے کہا کہ ریاست جموں کشمیر کے عوام تاریخ کے بدترین سیاسی، معاشی اور فوجی جبر کا شکار ہیں اور اُن سے بھارت، پاکستان اور عالمی برادری نے وعدوں کے باوجود انصاف نہیں کیا ہے۔ مقررین نے کہا کہ مقبول بٹ شہید کے قافلے کے سالار محمد یٰسین ملک کو جھوٹے اور بے بنیاد مقدمات کی آڑ میں مودی حکومت کی جانب سے انتقام کا نشانہ بنایا جا رہا ہے جبکہ بھارتی زیرِ قبضہ جموں کشمیر میں ریاستی جبر اپنی انتہاؤں کو چھو رہا ہے۔

انہوں نے کہا کہ پاکستانی حکمران طبقے نے اپنے زیرِ کنٹرول نام نہاد آزاد کشمیر و گلگت بلتستان کو محرومیوں، پسماندگی، بے روزگاری اور غربت کے عفریت عطا کیے ہیں اور خطے میں بدترین سیاسی و معاشی استحصال اور لوٹ مار کو فروغ دیا ہے۔ مقررین نے آزاد کشمیر اور گلگت بلتستان میں چلنے والی عوامی حقوق کی تحریکوں کی مکمل حمایت کرتے ہوئے پاکستان کی حکومت سے مطالبہ کیا کہ وہ اپنے زیرِ قبضہ ریاست جموں کشمیر کے علاقوں میں بنیادی ضروریات زندگی فراہم کرے اورہزاروں میگا واٹ بجلی پیدا کر کے پاکستان کو روشن کرنے والے خطے کے عوام کو فوراً مفت بجلی فراہم کرنے کا اعلان کرے۔

مقررین نے کہا کہ بھارت اور پاکستان کے عوام کی طرح ریاست جموں کشمیر کے عوام کو بھی آزادی کا حق حاصل ہے اور انہیں یہ حق دیے بغیر خطے میں امن، ترقی اور خوشحالی کا خواب شرمندہِ تعبیر نہیں ہو سکتا۔

مقررین نے مطالبہ کیا کہ ریاست جموں کشمیر کو تقسیم کرنے والی منحوس خونی لکیر کو مٹا کر 76سالوں سے تقسیم شدہ ریاست اور ہزاروں منقسم خاندانوں کو واپس ملایا جائے اور ریاست سے تمام غیر ملکی افواج اپنا انخلاء کریں تا کہ مسئلہ جموں کشمیر کو پرامن طور پر حل کیا جا سکے۔ تقریب سے کامریڈ شہزاد ارشد، محمد جمیل، افتخار تنولی و دیگر نے بھی خطاب کیا۔

—♦—

The post جموں کشمیر: عوام مکمل آزادی اور غیر ملکی قبضے کا خاتمہ چاہتے ہیں! first appeared on Daily Lalkaar.

امریکہ: مسئلہ کشمیر پر کانفرنس کے انعقاد کا عزم!

للکار نیوز — Sat, 06 Jan 2024 01:37:27 +0000

للکار (انٹرنیشنل نیوز ڈیسک) امریکی ریاست یوٹا کے House of Sate Representatives Mr Timothy Jimenez and Political analyist Mr Martin Giebitz کے اعزاز میں عشائیہ اور منقسم اور مقبوضہ ریاست جموں کشمیرپر قابض بھارتی اور پاکستانی افواج کی طرف انسانی حقوق کی پامالی..نسلی کشی اور ریاست جموں کشمیر کی شناخت کو ہمیشہ ہمیشہ کے لیے ختم کرنے کے لیے بھارت اور پاکستان کے قابض حکمرانوں کی بین الاقوامی سامراج قوتوں کی آشیر باد میں مستقل تقسیم کے منصوبے پر بریفنگ اورتحریری رپورٹ پیش کی.

یوٹا میں مقیم کشمیر کمیونٹی کے وفد نے انہیں دوسری عالمی جنگ کے بعد برصغیر کی سامراج تقسیم اور دو نیو کالونیل سامراجی ریاستوں بھارت اور پاکستان کے قیام کے نتجے میں ریاست جموں کشمیر پربھارت اور پاکستان کی افواج کا قبضہ اور جبری تقسیم 1947 سے لیکر 2024 تک کشمیر پر پاک بھارت جنگوں اور بین الاقوامی سامراج کی اسلحہ کی تجارت…

ریاست جموں کشمیر کے قدرتی وسائل کی لوٹ اور ریاستی باشندوں کی دنیا کے مختلف ممالک میں معاشی ہجرت کے کرب….اور اقوام متحدہ کی مجرمانہ خاموشی سے آگاہ کرتےہوئے بتایا کے مسئلہ کشمیر بھارت اور پاکستان کے درمیان نہ تو کوئی سرحدی تنازعہ ہےاور نہ مذہنی بلکہ یہ ایک شاندار ماضی رکھنے والی قومی کی آذادی شناخت اور بقاء کا مسئلہ ہے۔

اس وقت ریاست جموں کشمیر پر تین نیوکلیئر پاورز ..بھارت ..پاکستان اور چین کا قبضہ ھے جغرافیائی اور معاشی اعتبار سے ریاست جموں کشمیر دنیا کی تقریباّ 40% فیصد آبادی کا نیوکلس ھے اگر مسئلہ کشمیر کو ریاستی عوام کی مرضی کے مطابق حل نہ کیا گیا تو پوری دنیا تیسری عالمی جنگ کی لپٹ میں آسکتی ہے۔

مسئلہ کشمیر کا واحد اورمنصفانہ حل یہ ہے کے دنیا بھارت اور پاکستان پر دباؤ ڈالے کہ وہ اپنے وعدے کے مطابق اپنی قابض افواج کو ریاست جموں کشمیر نے نکالے اور ریاست جموں کشمیر کو ..غیر فوجی علاقہ قرار دے کر بین الاقوامی فری بزنس اور سیاحتی زون ڈکلیئر کیا جاے..

اگر فرانس اٹلی اور جرمنی کے درمیان تاریخی جنگوں جن میں لاکھوں انسان قتل ہوئے امن ہو کر یورپی یونین بنا سکتا ہےاور ان کے درمیان سوزرلینڈ پل بن سکتا ھے تو برصغیر کی امن ترقی اور خوشحالی کے لیے ..ایشین یونین اور آذاد اور خود مختار ریاست جموں کشمیر ایشین یونین کا ..جنیوا ..کیوں نہیں بن سکتا ہے ؟ ..

ریاست جموں کشمیر کی آذادی نہ صرف کشمیری قوم کی بلکہ بھارت پاکستان اور چین کے کروڑوں انسانوں کی غربت جہالت افلاس اور دہشت گردی سے آذادی ھو گی ایک آذادی اور خود مختار ریاست جموں کشمیر بھارت پاکستان اور چین کےدرمیان دوستی امن اورتجارت کا پل اور دنیا کے لیے فری بزنس اور سیاحتی زون بن سکتی ہے….

وفد نے کشمیر کی قومی آذادی کے ترجمان اور مزاحمت کی علامت بدنام زمانہ بھارتی تہاڑ جیل میں پابند ِسلاسل چیئرمین جموں کشمیر لبریشن فرنٹ یاسین ملک کی غیر قانونی اور غیر انسانی سزا اور زندگی کو لاحق خطرات سے آگاہ کیا اور یاسین ملک سمیت تمام سیاسی قیدیوں کی رہائی کے لیے کردار ادا کرنے کی اپیل کی۔

House of Representative کے خصوصی نمائندے Mr Tim Jimenez نے پارلیمنٹ میں ریاست جموں کشمیر میں انسانی حقوق کی پامالی کشمیریوں کی نسل کشی اور سیاسی قیدیوں کی رہائی کے لیے قرارداد پیش کرنے اور اسی سال2024 میں ریاست یوٹا مسئلہ کشمیر پر کانفرس کاانقعاد کرنے کا وعدہ کیا۔

The post امریکہ: مسئلہ کشمیر پر کانفرنس کے انعقاد کا عزم! first appeared on Daily Lalkaar.