Protest - Daily Lalkaar

ناصر منصور، وہاب بلوچ، الٰہی بخش اور سعید بلوچ کے خلاف مقدمہ واپس لو!

للکار نیوز — Sun, 24 Dec 2023 16:43:27 +0000

للکار (نیوز ڈیسک) بلوچ یکجہتی مارچ کی حمایت میں کراچی میں ریلی نکالنے پربلوچ یک جہتی کمیٹی کے ڈپٹی آرگنائزر عبدالوہاب بلوچ، جئے سندھ محاذ کے رہنما الہٰی بخش بکک ، پاکستان فشر فوک فورم کے جنرل سکریٹری کامریڈ سعید بلوچ اور نیشنل ٹریڈ یونین فیڈریشن پاکستان کے جنرل سیکرٹری ناصر منصور سمیت 280 نامعلوم افراد کے خلاف آرٹلری تھانہ ، کراچی میں مختلف دفعات کے تحت مقدمہ درج۔

تفصیلات کے مطابق ہفتہ 23 دسمبر کو نیشنل ٹریڈ یونین فیڈریشن پاکستان، ہوم بیسڈ وومن ورکرز فیڈریشن، پاکستان فشر فوک فورم، جئے سندھ محاذ، بلوچ یکجہتی کمیٹی کے ساتھ دیگر سیاسی، سماجی اور مزدور تنظیموں نے بلوچ یک جہتی مارچ کے شرکاء پر اسلام آباد پولیس کے تشدد اور گرفتاریوں کے خلاف کراچی میں احتجاجی ریلی نکالی گئی۔ جس میں قائدین نے مارچ کے شرکاء پر پولیس گردی کی مذمت کرتے ہوئے تمام جبری گمشدگان کی بازیابی سمیت دیگر مطالبات کی حمایت کی۔ جو کسی طور پر بھی کوئی جرم نہیں بلکہ بنیادی انسانی و آئینی حق ہے۔

پاکستان بھر کے ترقی پسند سیاسی کارکنوں، مزدور تنظیموں اور انسانی حقوق کے اداروں نے کراچی پولیس کے آرٹلری تھانہ میں ریلی کے شرکاء کے خلاف درج مقدمے کو فی الفور ختم کرنے کا مطالبہ کیا ہے۔ انہوں نے کہا کہ پر امن احتجاج پاکستان کے ہر شہری کا بنیادی انسانی و آئینی حق ہے۔ جسے کسی طور بھی زیرِ تعزیر نہیں لایا جاسکتا۔

یونہی ہمیشہ الجھتی رہی ہے ظلم سے خلق

نہ اُن کی رسم نئی ہے، نہ اپنی ریت نئی

یونہی ہمیشہ کھلائے ہیں ہم نے آگ میں پھول

نہ اُن کی ہار نئی ہے نہ اپنی جیت نئی

The post ناصر منصور، وہاب بلوچ، الٰہی بخش اور سعید بلوچ کے خلاف مقدمہ واپس لو! first appeared on Daily Lalkaar.

لسبیلہ یونیو رسٹی طلبا پر پولیس تشدد، 40 گرفتار، دھرنا جاری!

للکار نیوز — Fri, 17 Nov 2023 11:37:38 +0000

حب (عبداللہ بلوچ سے ) لسبیلہ یونیو رسٹی اوتھل کے مخدوش حالات جائزمطالبات کے حق میں احتجاج کرنے والے طلباء پر پولیس کا لاٹھی چارج، شیلنگ 40 سے زائد طلباگرفتار مشتعل طلباء نے جامعہ کے گیٹ پر دھرنا دے دیا ۔ یونیو رسٹی انتظامیہ نے جامعہ بند کر کے ہاسٹل سیل کر دیئے گھروں کو جانے والے طلباء طالبات یونیو رسٹی کے اندر محصور ہو گئے خوراک اور پینے کا پانی ناپید پھنسے ہوئے طلباء بھوک وپیاس سے نڈھال یونیو رسٹی انتظامیہ کا کوئی آفیسر فون اٹینڈ کرنے کو تیار نہیں اندر پھنسے ہوئے طلباء وطالبات کے والدین کو اپنے بچوں کیلئے پریشانی لاحق ہو گئی ۔ تفصیلات کے مطابق لسبیلہ یونیورسٹی اوتھل انتظامیہ کے زیر تعلیم طلباء کے ساتھ ناروا سلوک کا سلسلہ طویل عرصہ سے جاری ہے ایک جانب جامعہ مالی بحران کا شکار ہے تو دوسری طرف انتظامی افسران کی اقرباء پروری عروج پر ہے یونیو رسٹی انتظامیہ نے تیل کی قیمتوں میں اضافے کی آڑ میں ایک جانب ٹرانسپورٹ چارجز تو دوسری طرف ہاسٹل اور میس کی فیس میں دوگنا اضافہ کردیا ہے۔ طلباء کی یہ شکایت بھی جائز ہے کہ یونیو رسٹی میس میں جو انہیں خوراک مہیا کی جارہی ہے اُسکا معیار بھی اچھا نہیں ہے جس سے بچوں کی صحت خراب ہو رہی ہے طلباء خاص طور پر گرلز ہاسٹل میں رہنے والی بچیوں کا کہنا ہے کہ وہاں پر جو سیکورٹی اہلکار تعینات کئے جاتے ہیں وہ اُنہیں بلا جواز تنگ کرتے ہیں بچیوں کے والدین جب بچوں سے ملاقات کے لئے جاتے ہیں تو اُن کے ساتھ بھی نارواسلوک اختیار کیا جاتا ہے بلکہ انہیں دھمکیاں دی جاتی ہیں۔ اس حوالے سے والدین کے مطابق متعدد با ر یونیورسٹی انتظامیہ سکیورٹی انچارج حتیٰ کہ وائس چانسلر کو بھی شکایات کی گئی ہیں لیکن اُنکا ازالہ کرنے کے بجائے اس کے برعکس ناروا سلوک کا مظاہرہ کیا جارہا ہے۔ یونیورسٹی میں طلباء سے بھاری فیس وصول کی جاتی ہے لیکن اساتذہ کی کمی کی وجہ سے تعلیمی حرج پر کوئی توجہ نہیں دی جارہی طلباء وطالبات کیلئے دیئے جانے والے اسکالر شپ بھی اپنوں کے درمیان بندر بانٹ کی نظر کئے جاتے ہیں اور اگر کوئی مقامی آفیسر یا طلباء لب کشائی کریں تو اُن کے خلاف انتقامی کاروائیوں کا آغاز ہو جاتا ہے۔ طلباء کی طرف سے گزشتہ دن سے رات گئے تک جاری احتجاج کے دوران اُنکے ساتھ پولیس اور یونیو رسٹی انتظامیہ کے سلوک پر زیر تعلیم طلباء کے والدین کو پریشانی میں مبتلا کردیا ہے اس حوالے سے والدین نے ہائیر ایجوکیشن حکام اور گورنر بلوچستان و نگران وزیر اعلیٰ سے فوری نوٹس لینے کا مطالبہ کیا ہے۔ یاد رہے بلوچستان بھر کے تعلیمی ادارے اس وقت مسائل کی دلدل میں دھنسے ہوئے ہیں۔ مگر حکومتیں اور ادارے ان مسائل کے حل کے لئے عملی اقدامات کرنے سے گریزاں لگتے ہیں۔

The post لسبیلہ یونیو رسٹی طلبا پر پولیس تشدد، 40 گرفتار، دھرنا جاری! first appeared on Daily Lalkaar.

ملازمین کی وفات کے بعد فیملی پنشن کی مدت 10 سال ہوگی!

للکار نیوز — Mon, 16 Oct 2023 22:56:01 +0000

للکار (نیوز ڈیسک) ریٹائرڈ ملازمین کی وفات کے بعد فیملی پنشن کی مدت دس سال تک مقرر کرنے کی تجویز ہے تاہم وفات پانے والے ریٹائرڈ ملازم کا کوئی بچہ معذور ہونے کی صورت میں غیر معینہ مدت کیلیے اسے فیملی پنشن ملے گی۔ وزارتِ خزانہ نے سمری منظوری کیلیے وزیراعظم کو بھجوادی۔

ڈیلی للکار کو دستیاب سمری کی کاپی کے مطابق سمری میں کہا گیا ہے کہ پنشن کا بل ناقابل برداشت ہو چکا ہے۔ پے اینڈ پنشن کمیشن نے 2020 میں اپنی سفارشات دیں جن کی روشنی میں حکومت نے پنشن اصلاحات کا اعلان کیا جس کے مطابق پنشن اسکیم میں ترامیم تجویز کی جارہی ہیں۔

ترامیم کے مطابق شہداء کی فیملی پنشن کی معیاد بیس سال تجویز کی گئی، ملازمین کی ریٹائرمنٹ پر ان کی پنشن کی کیلکولیشن ملازمت کے آخری چھتیس ماہ کی قابل پنشن رقم کے ستر فیصد کی بنیاد پر ہوگی اور ریٹائرمنٹ کے بعد پنشنرز کی پنشن میں سالانہ اضافہ کی رقم الگ رکھی جائے گی اور یہ رقم اس وقت تک علیحدہ رکھی جائے گی جب تک کہ حکومت مجاز پنشنری بینیفٹس پر نظر ثانی بارے کوئی فیصلہ نہیں کرلیتی۔ پنشن میں اضافہ افراط زر کی شرح کے مطابق ہوگا لیکن یہ اضافہ دس فیصد تک ہوگا اور حکومت افراط زر کی شرح میں کمی کے مطابق اس کی ایڈجسٹمنٹ بھی کرے گی۔

سرکاری ملازمین پچیس سال ملازمت کے بعدEARLY ریٹائرمنٹ لے سکیں گے لیکن اس پر پچیس سال سروس کے بعد سے ریٹائرمنٹ کی عمر کی حد تک کے عرصے کے دوران تین فیصد سالانہ کے حساب سے جرمانہ کی مد میں کٹوتی کی جائے گی۔

علاوہ ازیں ریٹائرڈ ملازمین حکومت کے وضع کردہ ٹرمز اینڈ کنڈیشن کے مطابق خام پنشن کا زیادہ سے زیادہ پچیس فیصد تک کمیوٹ کرسکیں گے ریٹائرمنٹ کے بعد کنٹریکٹ پر ریگولر بنیاد پر دوبارہ ملازمت کی صورت میں ملازم کو آپشن دی جائے گی کہ وہ پنشن کو برقرار رکھے یا اس ملازمت کی تنخواہ حاصل کرے۔

اس سے ایک بات تو واضح ہو جاتی ہے کہ گذشتہ کئی برسوں سے عالمی مالیاتی اداروں کے دباؤ کے تحت حکمران اشرافیہ جو کہ محنت کشوں پر معاشی دباؤ بڑھا رہی تھی اب اس میں شدت آئے گی اور اسی لئے یہ کام نگران حکومت کے ذریعے کروایا جا رہا ہے تاکہ سیاسی جماعتیں اس سے اپنے آپ کو بری الذمہ قرار دے سکیں۔

The post ملازمین کی وفات کے بعد فیملی پنشن کی مدت 10 سال ہوگی! first appeared on Daily Lalkaar.