آج ٹیکنالوجی کی دنیا میں مصنوعی ذہانت کے چرچے عام ہیں۔ بڑی سے بڑی انفارمیشن کو چند سیکنڈز میں پروسس کر کے کمپیوٹر انٹرنیٹ کے ذریعے ہمیں مطلوبہ نتائج  فراہم کر دیتا ہے۔ یعنی کسی بھی موضوع پر مواد کے حصول کے لئے بڑی بڑی لائبریریاں گھومنے اور درجنوں کتابیں کھنگالنے کی ضرورت اب پہلے کی طرح نہیں رہی۔  

اگرچہ AI ایک پیچیدہ لیکن ضروری ٹیکنالوجی ہے، تو یہ کیسے کام کرتی ہے؟ آسان الفاظ میں، AI بڑے ڈیٹا سیٹس کو  جو کہ پہلے سے ہی انٹرنیٹ پر موجود ہے کو پروسیسنگ الگورتھم کے ساتھ ملا کر کام کرتا ہے۔

فی الحال، زیادہ تر AI سسٹمز انسانی ڈویلپرز کے ذریعے ڈیزائن اور تربیت یافتہ ہیں۔ وہ ڈیٹا کی بنیاد پر تجزیہ کرنے اور پیشین گوئیاں کرنے کے لیے الگورتھم اور مشین لرننگ تکنیک کا استعمال کرتے ہیں، لیکن ان کے پاس اپنے کوڈ میں ترمیم کرنے یا خود نئے الگورتھم بنانے کی صلاحیت نہیں ہے۔ اس کا سادہ سا جواب ہے کہ AI خود سے کوئی مواد تخلیق نہیں کر سکتا بلکہ انٹرنیٹ پر شائع شدہ مواد کو استعمال  کرکے پروسس کرتا ہے اور ہمارے مخصوص سوال کا  اس موجود مواد میں سے ہی مخصوس جواب تلاش کرتا ہے۔

 مصنوعی ذہانت ناقابل یقین حد تک تیز رفتاری سے ترقی کی منازل طے کر رہی ہے۔  تاہم  مشینیں ابھی تک ہمیں ( انسانوں کو ) مکمل طور پر تبدیل کرنے کے قابل نہیں ہیں۔ اگرچہ مصنوعی ذہانت آپ کے کاروبارمیں مثبت تبدیلیاں لا سکتی ہے، لیکن آپ کو کامیابی کے لیے انسانی ذہانت کی  ہی ضرورت ہے۔

 جہاں انسان کو بعض معاملات میں محدودیت کا سامنا رہا ہے وہیں انسانی سوچ لامحدودیت  کی حامل ہے۔ مصنوعی ذہانت بھی  اسی لامحدود انسانی  سوچ کی پیداوار ہے جو اس کا متبادل کبھی بھی نہیں ہو سکتی۔ اور انسان ایسے کرشمے روزِ اول سے کرتا چلا آرہا ہے اورمستقبل میں بھی کرتا رہے گا۔ یہی انسان کا خاصا ہے۔