Awais Iqbal - Daily Lalkaar

علیز ے سحر کے نام – اویس اقبال

للکار نیوز — Fri, 27 Oct 2023 04:14:39 +0000

دن رات حوروں کے بدن کی پیمائش کی فکر میں غلطاں

مردانہ کمزوری کے اشتہاروں کی دیواروں سے سجی

بستی میں بچیوں، بلیوں اور اندھی ڈولفن کے شکاری

سرعتِ انزال کے خوف سے کانپنے والے نام کے مرد

آج تیری خواب گاہ میں نقب لگا کر

تیرے پستانوں کے دائروں کے بھنور میں

اپنے پہلو میں سونے والی زبان کی کڑوی عورتوں کو

بھول کر چھوٹے موٹے ابلیس ہی تو ہوئے جاتے ہیں

تیرے مرمریں بدن کے سرسراتے ہیولے پہ مشت زنی کے قطرے

ان کے مجبوری کے لبادوں پہ چپک کر سوکھ چکے ہیں

یہ وہ ہیں جو اپنی غیرت کو خود ہی تھوک چکے ہیں

میں نے بھی تیرے بدن کی شفافیت میں اپنا چہرہ دیکھا

تو تیرے بنانے والے کی صناعی پہ بے ساختہ پیار آیا

آج میری آنکھوں میں تو حور کا ایس آئی یونٹ ہے

تو مغموم نہ ہو بلکہ فخر سے سر اُٹھا

تو نے اٹھوائے ہیں خوابیدہ قضیب اور دعا میں ہاتھ

تو نے آج ستر حوروں کی تلاش میں ماتھا سیاہ کرتے

باریش سراپوں کی سیاہی کو آشکار کیا ہے

آج رات ساری بانہوں کو میسر جوانیاں

تجھے کوڑھ صورتی کی بددعا دےکر سوال کر رہی ہیں

کیا میں علیزے سحر سے کم خوبصورت ہوں

اور جھوٹے انکار سے خود کو تسلی دینے والی عورتیں

اپنے خوابوں کے ہمزاد پلاسٹک سرجن سے

تیری جھلک کو خود پہ طاری کرنے کا حکم دیتی ہیں

سرجن سر جھکا کر صرف یہی کہتا ہے

ابھی میڈیکل سائنس نے اتنی ترقی نہیں کی

یہ جواب تیری مخمور جوانی کی مغرور فتح ہے

بس تو مرنے سے پہلے

اپنی آخری دو سانسوں کے بیچ کا ٹھہراؤ

ان سارے بوڑھے راسپوتین عقیدہ مردوں کے نام کر جانا

جو آج تجھے پانے کی حسرت میں

اپنی چھتوں کو گھورتے ہوئے کھلی آنکھوں سے

خوابوں کی کرچیاں چنتے چنتے

انہی زبان کی کڑوی عورتوں کے ساتھ سو چکے ہیں

جن کے ہمزاد پلاسٹک سرجن بھی انہیں جواب دے چکے ہیں

تو مغموم نہ ہو بلکہ فخر سے سر اٹھا۔۔۔۔۔۔

(اویس اقبال)

The post علیز ے سحر کے نام – اویس اقبال first appeared on Daily Lalkaar.