للکار (انٹرنیشنل نیوز ڈیسک) تہران سے ایرانی وزارت انٹیلیجنس نے بتایا ہے کہ آپریشن میں 30 بم ناکارہ بنائے گئے جبکہ اسکے علاوہ داعش سے تعلق رکھنے والے 28 افراد گرفتار کیے گئے۔ 

ایرانی وزارت انٹیلی جنس کے مطابق گرفتار افراد کا تعلق  شام، افغانستان، پاکستان اور عراق سے ہے اور یہ شدت پسند سرگرمیوں میں ملوث تھے۔ 

ایرانی حکام کے مطابق آپریشن میں دھماکا خیز مواد، بم، امریکی ساختہ ہینڈگن اور فوجی سامان ضبط کیا گیا۔

ایرانی وزارت کے مطابق آپریشن کے دوران بموں کے لیے الیکٹرانک آلات اور غیرملکی کرنسی بھی ضبط کی گئی۔ 

The post ایران: سیکیورٹی فورسز کا بڑا آپریشن، داعش کے 28 افراد گرفتار، دھماکا خیز مواد برآمد first appeared on Daily Lalkaar.